Екипите на Интер и Шахтјор Доњецк ќе го дадат вториот финалист во Лига Европа вечерва од 21.00 часот на „Меркур Шпил Арената“ во Дизелдорф.
Доцна синоќа Севиља обезбеди место во последниот натпревар од оваа сзона во Лига Европа, откако направи целосен резултатски пресврт против претходно најавениот фаворит Манчестер Јунајтед.
Италијанците се исто така фаворити во натпреварот кој не очекува вечерва, но нивните добри резултати може да бидат прекинати од украинскиот тим, кој оствари импресивен успех со 4:1 над Базел во четвртфиналето. Тренерот на Интер, Антонио Конте нема да направи измени во составот и ќе започне со истите 11 од победата од 2:1 над Баер (Леверкузен).
Ромелу Лукаку и Лаутаро Мартинез, еден од најдобрите напаѓачки парови во Европа, ќе бидат во нападот. Интересно е што Аргентинецот сè уште нема гол во Европа, додека Лукаку постигна гол на девет последователни натпревари во Лигата на Европа.
Против Шахтјор, моќниот Лукаку ќе има тешката задача да го надмудри грузискиот дефанзивец од 192 сантиметри, Давид Хочолава, кој се враќа во составот на својата екипа.
Оваа година се одбележува 10-годишнината од последниот европски триумф на Интер и победата во Лигата на шампионите. Во Милано се надеваат дека чекањето заврши, но сè ќе зависи најнапред дали ќе го поминат Шахтјор Донецк.
Можни состави:
Интер: Хандановиќ, Годин, Де Фрај, Бастони, Д’Амброзио, Барела, Брозовиќ, Гаљардини, Јанг, Лукаку и Мартинез.
Шахтјор Донецк: Пјатов, Матвиенко, Хочолава, Кривцов, Додо, Степаненко, Антонио, Таисон, Патрик, Марлос и Мораеш.