Тимот на Интер веќе тргнал во потрага по алтернатива на Жоао Кансело. Десниот бек ја помина последната сезона на позајмица во тимот на Лучиано Спалети, но „нероазурите” не сакаа да ја активираат откупната клаузула.
Информациите кои доаѓаат од Португалија тврдат дека Интер е заинтересиран за десниот бек на Спортинг Лисабон, Кристијано Пичини кој одигра доста добра сезона во Португалија. Гигантот од Милано понудил 15 милиони евра на Спортинг за италијанскиот дефанзивец, а понудата била прифатена од португалскиот клуб.
Спортинг на оваа позиција го има нашиот Стефан Ристовски, а веќе нашле и замена во лицето на Бруно Гаспар, кој ја напушти екипата на Фиорентина. Во минатата сезона Пичини одигра 24 натпревари за својот тим.