Фудбалерот на Интер Иван Перишиќ официјално испрати барање до менаџментот на клубот со желба да биде продаден.
Познато е дека „нероазурите” го одбија Арсенал за хрватското крило, откако лондончани сакаа да го привлечат првично со позајмица до крајот на сезоната, но со опција за перманентен трансфер во текот на летото.
Спортскиот директор на тимот од Милано Џузепе Марота откри прeд „Скај Италија” каква е ситуацијата со крилниот фудбалер во моментов, а токму тој призна дека играчот сака да биде продаден или позајмен.
„Перишиќ официјално побара да го напушти Интер, но вистината е дека нема понуда за него. Ќе видиме што ќе се случи во следните неколку дена”, објави Марота.
„Ќе се обидеме да го задоволиме барањето на Иван, но сепак тој треба да е свесен дека има фиксна цена и ние не би го пуштиле без пари”, додаде Марота.