Играчот од средниот ред на шпанска Севиља, Иван Ракитиќ, бил на лекарски преглед пред да се пресели во Ал Шабаб од Саудиска Арабија. Ова го објави познатиот новинар и инсајдер Фабрицио Романо.
Според Романо, играчот од средниот ред е на чекор до комплетирање на трансферот во саудискиот клуб. Да потсетиме, претходно се појавија информации дека хрватскиот фудбалер е незадоволен од минутажа која ја добива кај новиот тренер на Севиља, Кике Санчез Флорес.
Ракитиќ веќе се прости од некои вработени во шпанскиот клуб. Беше објавено дека играчот од средниот ред ќе се приклучи на Ал Шабаб пред 30 јануари, потпишувајќи двегодишен договор.

