Ајнтрахт Франкфурт официјално го објави ангажирањето на Јенс Петер Хауге, кој доаѓа од Милан со едногодишна позајмица.
Под одредени услови, тимот од Бундеслигата ќе има обврска да го купи 21-годишното крило на крајот од сезоната за проценетата сума од 12 милиони евра. Милан му се заблагодари на Хауге за неговата професионалност и му посака се најдобро во иднина.
Норвешкиот интернационалец, кој има три натпревари во дресот на Норвешка, помина само една сезона на „Сан Сиро“ по неговиот трансфер од Бодо Глимт вреден 5 милиони евра. Тој постигна 5 гола и 1 асистенција на своите 25 натпревари за „росонерите“, од кои повеќето ги одигра како замена. Младиот играч потпиша со својот нов клуб договор за период од 5 години.
Fix: @jenspetter99 kommt vom @acmilan zunächst auf Leihbasis bis zum Ende der Saison 2021/22 an den Main ✍️ Zudem verfügt die Eintracht über eine Kaufoption.#SGE
— Eintracht Frankfurt (@Eintracht) August 10, 2021
„Многу сум среќен што сум тука и го правам следниот чекор. Ајнтрахт е голем традиционален клуб и веќе предизвика меѓународни успеси. Ги следев нивните настапи во Лига Европа и едвај чекам да го облечам дресот на Ајнтрахт Франкфурт“, изјави Хауге за клупската веб –страница при неговото преставување.