Финалистот од Конференциската лига, Фиорентина го објави трансферот на Јери Мина. Колумбискиот дефанзивец потпиша за клубот како слободен играч по заминувањето од Евертон, каде што беше во последните пет сезони. Договорот на 28-годишниот играч е за една сезона со опција за уште две, доколку има успех во следната сезона.
Јужноамериканецот доаѓа во „Артемио Франки“ на местото на Бразилецот Игор, кој беше продаден на Брајтон. Мина има сериозно искуство, бидејќи во кариерата играше за тимови како Палмеирас и Барселона.
Во последните пет сезони го носеше дресот на „карамелите“ за кој одигра 99 натпревари, постигна 9 голови и 1 асистенција. За него интерес имаше и од Лил, Фулам, Бешикташ и клубово од Саудиска Арабија, но се чини дека повеќе сакаше да си ја проба среќата во Фиорентина.