Одложениот натпревар од Серија А помеѓу Јувентус и Наполи ќе се игра на 17 март, официјално соопшти Серија А.
Натпреварот на стадионот „Алијанц“ требаше да се одигра на 4 октомври, но не беше одигран поради проблемите кои ги имаше Наполи со играчите заразени со коронавирус.
https://twitter.com/SerieA_EN/status/1367069864855273475
На Наполи тогаш му беше забрането да патува во Торино на натпреварот поради два позитивни теста во тимот со КОВИД-19, па Наполи првично беше казнет затоа што не се појавија на терено и средбата беше регистрирана со службени 0:3. Откако се жалеа на оваа одлука, таа конечно беше поништена и стана јасно дека ќе се бара датум за натпреварот. Сега овој датум е познат – 17 март (среда), со почеток од 18,45 часот.
Двата тима веќе осе сретнаа двапати од почетокот на 2021 година. На 20 јануари Јувентус го совлада Наполи со 2:0 во мечот за Суперкупот на Италија, а на 13 февруари момците на Џенаро Гатузо му се одмаздија на тимот предводен од Андреа Пирло со победа од 1:0 на домашен терен во првенствен натпревар.

