Преставници на Јувентус имале средба со играчот од средниот ред на Рома, Лоренцо Пелегрини, за да разговараат околу можноста за трансфер во текот на летото.
Играчот има клаузула за реоткуп во неговиот договор вреден 25 милиони евра, што е во рамките на моќта на „старата дама”.
Сепак, агентите на играчот изразиле загриженост во врска со претстојниот трансфер на Емре Чан кој треба да дојде во Торино. Тие се сомневаат дека 21-годишниот играч нема да добие доволно време за играње на сметка на Германецот.
Од друга страна, сепак и Рома е блиску до потписот на Брајан Кристанте од Аталанта, што значи дека и во овој клуб конкуренцијата во средината на теренот ќе стане уште посериозна. Впрочем, двете страни се согласија повторно да се сретнат во понеделник кога ќе продолжат со разговорите.
Од Јувентус прво ќе се обидат да се разделат со неколку играчи, па потоа клубот ќе започне со избор и привлекување на нови играчи, а Пелегрини е еден од нивните приоритети.