Јувентус е пред финализирање на два трансфера речиси истовремено. „Бјанконерите“ се многу блиску до потписот на Аркадиуш Милик од Олимпик Марсеј и Леандро Паредес од Пари Сен Жермен, открива трансфер експертот Џанлука Ди Марцио.
Италијанскиот гигант ги договори личните услови на Милик, кој во клубот ќе пристигне на позајмица. Клубот од Торино за позајмицата ќе му плати на Марсеј 2 милиони евра, а во договорот е вклучена откупна клаузула од 8 милиони евра. Во меѓувреме „бјанконерите“ направија чекор напред во преговорите за Леандро Паредес.
Челниците на клубот разговарале со претставници на ПСЖ, при што се договориле да го привлечат 28-годишниот Аргентинец на позајмица. Во договорот ќе има откупна клаузула која станува задолжителна под одредени услови, а еден од нив е и тимот да се пласира во Лигата на шампионите. Во оваа фаза, сепак, не се откриваат дополнителни детали за трансферот.