Селекторот на Ерменија, Хоакин Капарос може да биде задоволен од резултатот во Скопје и освоениот бод на гостувањето кај Македонија (0:0).
Можеби резултатот е добар, но играта на неговата репрезентација не може да го задоволи селекторот, затоа што во овој натпревар беа далеку од она што го очекуваа и најавува.
„Знаеме дека Горан Пандев е одличен играч и неговиот удел во играта на Македонија беше многу голем, но ние имавме голем респект кон Македонија затоа што имате други добри играчи. И ние имавме три отсуства на важни играчи, затоа сметам дека ситуацијата горе-долу беше идентична. Моравме без тројца стандардни првотимци во екипата. Имавме многу работи во овој меч од кои не сме задоволни. Во првиот дел главно се браневме, посебно по крилните позиции. Во вториот дел имавме шанси да погодиме, но за жал не успеавме. Исто и Македонија не даде гол, па затоа конечниот исход е реми“, изјави Капарос.