Викендов во Чачак , Србија се одржа 47-от карате турнир ,,Златен појас на Чачак,, за кадети јуниори и сениори-ки.
Младите каратисти на Макпетрол во Јуниорска конкуренција успеаја да освојат два бронзени медали. Бронзени медалисти на овој силен турнир беа Абдурахим Идризи катекорија -55 кг, и Стефан Стојановиќ категорија -70 кг.Тие во елиминацискиот дел имаа по три победи, а со помош на репасажните борби победија во директните борби за бронзените медали.
„Ова е веќе пета контрола со учество на турнири за младите каратисти на Макпетрол. Сите контроли се направени за само триесет дена. Нашиот подмладок настапи во Софија, потоа во Хрватска и на два домашни турнири.. Посебно не радува тоа што нашиот кандидат кој треба да обезбеди пласман на летната олимпијада за млади категории Идриз Абдурахим јуниор -55 кг, на сите турнири на кои учествува во континуитет освојува медали. Се надеваме дека тој ќе продолжи со добри настапи и така ќе биде и на првиот квалификациски турнир за остварување на Олимписка норма за млади спортисти кој треба да се одржи во месец мај во Софија“ изјави Бошко Заборски, тренерот на КК Макпетрол