Голманот на Порто, Икер Касиљас смета дека на наградата за најдобар играч во Европа – „Златната топка“ и е потребна реформа.
„Мислам дека Ван Дајк беше најдобриот одбранбен играч минатата сезона. Темата за наградата „Златната топка“ е комплексна. Кој го заслужува тоа? Треба да се воспостави награда за секоја позиција – голман, дефанзивец, играч од средниот ред и напаѓач “, напиша Касиљас на својот Твитер профил.
Да потсетиме дека изминатата пролет Касиљас имаше срцев удар за време на тренинг на сојата екипа. Тој веднаш беше опериран , а во декември, 38-годишниот фудбалер ќе помине лекарски преглед, на кој треба да се одговори на прашањето дали е подготвен повторно да влезе на теренот.
Касиљас игра за Порто од 2015 година. Претходно, тој играше долго време за Реал Мадрид. Како дел од Реал Мадрид, тој ја освои титулата во Шпанија пет пати, двапати Шпанскиот куп и четири пати Суперкупот на земјата.