Единсон Кавани, Хари Мегуаер и Мејсон Гринвуд ќе бидат во составот на Манчестер Јунајтед за утрешното дерби со Челзи во рамките на шестото коло од Премиер лигата.
Првиот започна да тренира на почетокот на неделата, но го пропушти мечот со ПСЖ бидејќи не беше целосно подготвен. Мегуаер и Гринвуд исто така беа надвор од комбинација за гостувањето во Париз, поради повреди.
„Знаеме дека имаме многу тежок натпревар против Челзи. Игравме против нив четири или пет пати минатата сезона, така што многу добро се познаваме. Треба да ја подобриме формата. Можеби тоа е нешто со што треба да се справиме веднаш. Се надевам дека Мегуаер, Гринвуд и Кавани ќе бидат достапни за настап на оваа средба. Секако, денес имаме тренинг, што е последна шанса да се подготвиме, но сите тие имаат шанса да играат“, рече Оле Гунар Солскјер на денешната прес-конференција.

