Уругвајскиот напаѓач Единсон Кавани нема намера да го промени планот да го напушти Манчестер Јунајтед како слободен играч во текот на летниот преоден рок.
Ова на својот Твитер профил го објави Фабрицио Романо, новинар на ТВ каналот Скај Спорт Италија. Приоритетна опција за Кавани е преселба во тим кој настапува во шпанското првенство. Исто така, се истакнува дека за напаѓачот се заинтересирани клубови од Јужна Америка.
Кавани (35) игра за Манчестер Јунајтед од октомври 2020 година. Уругваецот има 19 гола и 7 асистенции на 55 натпревари за „црвените ѓаволи“ во сите натпреварувања.
Манчестер Јунајтед по 29. коло е на петтото место во Премиер лигата со 50 бодови. Следниот натпревар на тимот е на 2 април на домашен терен против Лестер Сити.