Фудбалерот на Италијанскиот шампион Јувентус, Сами Кедера, изрази задоволство од новиот договор кој го потпиша со клубот.
Претходно во текот на денот „бјанконерите” најавија дека се задоволни од тоа што Кедира потпиша договор кој ќе биде со важност до 2021 година
„Уште од мојот прв ден во Торино се чувствувам особено задоволен, исто како да сум дома. Многу сум горд што сум дел од големата историја и семејството на Јувентус. Да продолжиме да пишуваме црно-бела приказна”, гласи пораката на Кедира на „Твитер“. Тој се пресели во Јувентус во 2015 година по истекот на неговиот договор со Реал Мадрид. За овој период, тој одигра 113 натпревари, забележа 86 победи и постигна 20 гола. Со Јувентус три пати го освои Скудетото и Купот на Италија.
За последните три сезони Кедира е фудбалерот со најмногу одиграни минути за „старата дама” – 8882 минути.