Фудбалерите на Тотенхем под водство на новиот тренер, Жозе Мурињо, успеаа да дојдат до полн погодок на викенд гостувањето кај Вест Хем во рамките на Премиер лигата на Англија.
За екипата од Лондон тоа беше само четвртата сезонска победа а прва под диригентската палка на Португалецот кој пред неколку денови седна на кормилото на „Спарси“. Првиот голгетер на тимот, Хари Кејн, изјави дека Мурињо им дава голема мотивација на играчите и ја подигнува атмосферата во тимот.
„Мурињо освојувал многу трофеји со различни клубови. Јас сум во период кога сакам да се радувам на пехари. Реално за трофеј мораме да гледаме кон Лигата на шампиноите и ФА купот. Нормално дека човек со таква репутација ти дава дополнителна самодоверба, добиваш верба во тимот“ – нагласи Кејн.
