Челзи доби нов голман ! Шпанецот Кепа Аризабалага потпиша договор со Челзи, а тоа е нешто што вчера беше најавено од страна на медиумите во Англија.
Кепа стави потпис на договор за период од 7 години, што значи дека се обврза да го носи дресот на Челзи до 2025 година. Досегашниот голман на Атлетик Билбао стана и официјално најскапиот голман во историјата на фудбалот бидејќи за неговата „слобода“ Челзи ја активираше откупната клаузула од неговиот договор која беше во висина од 80 милиони евра. Со ова е срушен рекордот кој неодамна го постави Ливерпул со купувањето на Алисон од Рома за 72 милиони евра. Кепа досега одигра преку 50 натпревари во Ла Лига, а беше дел од репрезентацијата на Шпанија на СП во Русија.
„Многу работи ме привлекоа во Челзи, титула, сегашните, поранешните играчи, градот и Премиер лигата. Мило ми е што Челзи верува во мене. Ова е важна одлука за мене и мојата кариера“ изјави кепа за официјалниот сајт на Челзи.
Кепа Аризабалага на голот на Челзи ќе го замени белгискиот голам Тобо Куртуа кој денес требада ги заврши лекарските прегледи и да стави потпис на договорот со реал Мадрид. Лондонскиот тим од трансферот на Куртуа би требало да заработи околу 35 милиони евра. кепа е второто засилување кое пристигна во Челзи во текот на вчерашниот ден, затоа што претходно опремата на Челзи ја задолжи и Матео Ковачиќ кој е дел од овој договор и доаѓа во Лондон на позајмица од 1 година.