Ѕвездата на ПСЖ, Килијан Мбапе е вклучен во групата која патува за Лисабон за одигрување на четвртфиналето од Лигата на шампионите против Аталанта. Средбата ќе се одигра во среда во Лисабон.
Присуството на Французинот на списокот не значи дека тој ќе биде во составот за дуелот со Италијанците. Тој има сериозна повреда на зглобот од финалето во Купот на Франција.
Натпреварот ќе биде првиот од завршниот турнир што ќе се одржи во Португалија. ПСЖ се надева дека Мбапе ќе биде подготвен за следните натпревари доколку екипата се пласира понатаму. Поради оваа причина, Анхел Ди Марија е во групата, иако беше казнет и сигурно нема да игра против Аталанта.
Исто така, постојат сериозни сомнежи за учеството на Марко Верати, кој претрпе повреда на бутот во текот на тренинзите изминатата недела. Според последните информации, состојбата на Италијанецот можеби не му дозволува да игра дури до полуфиналето, но клубот ги чека следните тестови. Курзава е исто така неизвесен за настап на средбата со Аталанта.
Проблемите со ПСЖ се зголемија и со повредата на тренерот Томас Тухел. Германскиот тренер има скршеница на зглобот која ја доби при една од активностите на тимот во последните денови.