УЕФА ќе ја разгледа можноста да ја промени локацијата за финалето во Лигата на шампионите и да му го одземе домаќинството на турскиот град, Истанбул, потврди потпретседателот на федерацијата, Микеле Уве.
Причина за евентуалната таква одлука е тековната офанзива на турската армија против Курдите стационирани во северна Сирија. Доколку тоа се случи, ќе има индиректно мешање на политиката во спортот. Ќе потсетиме дека Олимпискиот стадионот – „Ататурк“ во Истанбул на 30 мај во 2020 година треба да биде домаќин на големото финале на тековнава сезона на ЛШ.
„Ние ќе ја исполниме нашата мисија за почитување на автономијата и независноста на спортот, но, не можеме да ги замениме Обединетите нации, Европската унија, амбасадорите, дипломатијата или другите политички институции. На крајот на краиштата, одлуките на УЕФА се донесуваат во консултација со Извршниот комитет на асоцијацијата и претседателот“ – вели Уве за медиумите.