Тренерот на фудбалерите на Ливерпул Јирген Клоп по нерешениот резултат на тернот на ВБА (2-2) изјави, дека домаќинот се послужил со трик на полувремето и не ги пуштил прскалките по што теренот бил премногу сув и им правел проблеми на неговите фудбалери.
„ Воопшто не сум задоволен од состојбата на теренот. Кога тој е сув, топката не можете да ја додадете ниту пет метри. Најлесно е така да го неутрализирате противникот, но, тоа му одговара на ВБА со начинот на кој игра фудбал“ – вели Клоп кој со изјавата ги налути домашните фанови.
„Ако топката е постојано во воздухот, не ви треба добра состојба на тревата. Наредната сезона ќе можат да продолжат да играат фудбал на сув тревник во Чемпионшип лигата“ – порача изнервирано искусниот стратег откако неговиот тим во последните 10 минути прими два гола и освои само еден бод.