Ливерпул го победи Челзи по подобро изведување на пенали, откако во регуларниот дел од натпреварот резултатот беше 1:1 и со тоа го освои првиот трофеј оваа сезона, Супер купот на УЕФА.
Тренерот на Ливерпул Јирген Клоп ги дочека своите пет минути и освои уште еден европски трофеј со Ливерпул. По освоениот прв свој Суперкуп на Европа во кариерата на прес-конференцијата изјави:
„Знаев дека ќе биде многу тешко да се освои овој трофеј и бев подготвен на ваков натпревар. Атмосферата беше прекрасна, благодарност до Истанбул и до нашите многубројни фанови кој дојдоа да не бодрат. На Окслеј Чембрлејн му беа потребни овие минути, но тој може многу подобро. Сепак, Фирмино веднаш се вклопи на неговото место и ни го даде тоа што од него го очекувавме. Можеби мал проблем е што во претсезоната ни недостигаа многу клучни фудбалери, но тука не можевме ништо да направиме. Секако дека можеме да играме подобро, но денес важна беше победата и трофејот. Не знам каде беше Адриан пред две недели кога игравме со Манчестер Сити, но денес е тука, спремен беше, го вгради цело свое искуство и ни покажа зошто го донесовме. Тој е одлична личност, ја наметна својата харизматичност и во соблекувлната и ја заслужи оваа вечер“, изјави Јирген Клоп.