Според проценките на британскиот весник „Мирор“, најплатен селектор на ова светско првенство во Русија е првиот човек на актуелниот светски шампион Германија, Јоаким Лев. Со годишна плата од 3,78 милиони евра, Лев е на врвот на листата на селекторите со најголема плата кои ги предводат репрезентациите на годинешниот Мундијал.
Селекторите на Бразил и Франција се на делба на второто место на листата. И двајцата имаат годишна заработувачка од 3,45 милиони евра. Со плата од 2,95 милиони евра на 4. место се наоѓаше селекторот на Шпанија, Лопетеги, но тој доби отказ непосредно пред почетокот на СП.
На дното на оваа листа се наоѓа селекторот на Сенегал, Алиу Сисе. Тој, верувале или не, има плата од само 200.000 евра на годишно ниво. Ништо подобри не се ниту селекторите на Полска Адам Навалка и оној на Србија Младен Крстајиќ кои имаат годишна заработувачка од селекторската функција во износ од околу 300.000 евра.