Наполи синоќа на својата веб-страница го објави назначувањето на Руди Гарсија со кратка порака која не откри колку е долг договорот на тренерот со клубот. Сепак, италијанските медиуми успеаја да откријат дека договорот на францускиот стручњак е на 2+1 година.
Дополнително ја објавија и нето платата на тренерот која ќе изнесува 3 милиони евра по сезона. Станаа јасни и причините зошто претседателот на клубот Аурелио Де Лаурентис го избра Гарсија за наследник на Лучијано Спалети. Според „Скај Спортс“, тој му верувал на 59-годишниот поради неговото искуство во освојување титули (со Лил во Лига 1 во 2011 година), неговата работа со играчи на меѓународно ниво (како Еден Азар, Франческо Тоти и Кристијано Роналдо).
Одличните резултати на европските турнири (финале на Лига Европа со Марсеј во 2018 година и полуфинале со Олимпик Лион во Лигата на шампионите во 2020 година), како и желбата на тренерот да продолжи да ги наметнува 4-3-3 како шема на игра, што беше меѓу главните барања на сопственикот.
Претседателот на Наполи го коментираше назначувањето на Руди Гарсија „Ил Матино“ забележува дека Гарсија бил единствениот кандидат кој му рекол „да“ на Де Лаурентис во своето прво интервју за оваа позиција, без никакви резерви и барања. За споредба, претседателот на Наполи бил уморен од барањата на Кристоф Галтие, кој се уште преговара за раскин на договорот со Пари Сен Жермен.