Одличните настапи на Манчестер Сити оваа сезона даваат сериозни предуслови за тимот на Пеп Гвардиола да биде ставен на листата на тимови испишани со златни букви во историјата на Премиер Лигата.
Веќе сите знаат дека ако „граѓаните” го совладаат Манчестер Јунајтед во дербито на „Етихад” во сабота, тие ќе станат тимот кој најрано си обезбедил титула во Премиер лигата. Евентуално тоа може да се случи на 7 април, што ќе биде со една недела порано од досегашниот рекорд на Манчестер Јунајтед, кој во сезоната 2000/01 ја обезбеди титулата на 14 април.
Кои се другите рекорди што може да ги подобрат Манчестер Сити до крајот на сезоната?
Во моментов тимот има 84 поени, па сосема е можно во преостанатите седум натпревари да го подобри постигнувањето на Челзи од 2004/05 за најмногу освоени поени во сезоната – 95. „Граѓаните” можат да подобрат уште неколку рекордот на лондончани – за најмногу победи во сезоната (30), за најмногу постигнати голови (103), за најголема гол разлика (71), за најмногу победи како домаќин (18) и најмногу победи како гостин (15).
Манчестер Сити може да ги подобри достигнувањата на својот градски ривал Манчестер Јунајтед и најголемата разлика со второпласираниот на крајот од сезоната. Во моментов тоа е 16 поени, додека во сезоната 1999/2000 „црвените ѓаволи” завршувија со 18 поени пред Арсенал. Постои можност Сити да ги подобри достигнувањата на Ливерпул во 2013/14 година за најмногу постигнати голови на гостувањата во лигата – 48.