Антонио Конте и официјално е новиот тренер на Интер, објави официјалниот сајт на клубот. Конте претходно работел во Јувентус и Челзи, но беше и селектор на Италија.
Според извештаите на медиумите, договорот со 49-годишен тренер ќе биде до 2022 година. Конте го предводеше Јувентус од 2011 до 2014 година, по што почна да работи во италијанската репрезентација. По две години со националниот тим, тренерот се пресели во Челзи, од каде што беше отпуштен минатото лето и од тогаш тој е без клуб.
Екипата на Интер под раководство на Лучијано Спалети го освои четвртото место во Серија А и се пласираше во Лигата на шампионите. Во текот на вчерашниот ден, тимот од Милано ја објави оставката на Спалети. Тој беше назначен за главен тренер на Интер во јуни 2017 година.