Изминатиов викенд Борусија Дортмунд постигна важен успех на домашен терен. „Жолто-црните“ славеа над Мајнц со 3:1 и со тоа ги задржаа шансите за пласман на европските клупски турнири во следната сезона.
До денес избраниците на Нико Ковач заостануваат 7 бода зад Топ 4, а хрватскиот стручњак е цврсто убеден дека Лигата на шампионите сепак е сосема можна цел за неговиот тим.
„Мислам дека максимално ги искористивме нашите шанси и тоа беше основата на нашиот успех. Фудбалските фигури се исклучително важен дел од фудбалот, а ако успеете да ги реализирате вашите можности, работите се одвиваат добро. Задоволен сум од победата бидејќи беше против директен конкурент за Топ 4, а таквите натпревари се од суштинско значење и затоа уште веруваме дека можеме да се бориме за место во Лигата на шампионите. Се додека има шанса пред нас, ќе се бориме“, изјави Ковач.

