Првата ѕвезда на фудбалскиот состав Челзи, Еден Азар, имал успешни преговори за нов договор со челниците на тимот.
Според медиумите во Англија, тој ќе ја продолжи соработката со „сините“ од Лондон до 2022 година и ќе добива неделна плата од 300.000 фунти. Белгискиот интернационалец во текот на летото беше тѕрансферна цел на првиот човек на „кралевите“, Флорентино Перез, но сепка остана на „Стемфорд Бриџ“.
27-годишниот напаѓач во тековнава сезона под водство на новиот тренер, Маурицио Сари, покажува блескави партии и на шест натпревари во Премиер лигата успеа дури пет пати да се запише во листата на стрелците.