Македонскиот млад ракометар Филип Кузмановски се договори со неговата досегашна екипа Металург за раскин на договорот и тоа на само десет месеци до крајот на неговиот договор.
Лошата финансиска состојба на оваа екипа и неисплатените плати го натераа 22-годишниот репрезентативец да ја промени средината. Во преостанатиот дел од сезоната Кузмановски се определи да настапува за екипата на Еурофарм Работник од Битола, откако постигна договор со раководството на овој клуб за соработка до мај 2019 година.
Веќе од наредната сезона, Кузмановски ќе ја продолжи кариерата и ќе заигра во најсилната лига во светот, Бундеслигата, ќе ги брани боите на Магдебург.
Кузмановски ќе биде наш нов ракометар кој ги следеше постапките на Филип Талески, Дејан Манасков, Борко Ристовски и уште многу други македонски интернационалци кои биле дел од германското ракометно првенство.
Во текот на изминатите денови се шпекулираше дека освен ЕурофармРаботник за потписот на Кузмановски се заинтересирани Вардар, Железничар од Ниш, ППД Загреб како и Мотор Запорожје и Татран Прешов, сепак тој се определи за тимот од Битола.