Во моментите кога целата светска популација се соочува со коронавирусот потребни се многу медицински материјал и заштитна опрема на здравствените институции.
Токму поради тоа напаѓачот на Интер, Лаутаро Мартинез направи донација во болница во неговиот роден град во борбата против коронавирусот. Аргентинецот обезбеди средства за клиниката од градот Баија Бланка, со која купи 3.350 литри средство за дезинфекција, 100.000 безбедносни ракавици и друг потребен медицински материјал.
Лаутаро Мартинез се пресели од Расинг во Интер во 2018 година. Оваа сезона, на 31 натпревар во сите натпреварувања на клупско ниво, аргентинскиот напаѓач постигна 16 гола и имаше четири асистенции.