Напаѓачот на Барселона, Роберт Левандовски, откри дека има проблеми со грбот по сударот со Едер Милитао за време на дуелот против Реал Мадрид во Купот на Шпанија. Полскиот репрезентативец очекува да биде целосно подготвен за неделното гостување на Каталонците кај Хетафе во Примера, но призна дека одиграл со сериозни болки против Џирона во претходното коло.
За време на натпреварот со Реал Мадрид на „Камп Ноу“, Левандовски падна на теренот откако Милитао го удро во грб, но сепак ги одигра сите 90 минути против Џирона во понеделникот.
„Добив удар против Реал, но секогаш сакам да играм. Второто полувреме беше многу тешко. Морав да побарам промена. Кога се разбудив наутро, не можев да одам. Но, ние работиме со физиолози и секогаш се трудам да бидам подготвен за натпреварите. Доброто е што ќе бидам подготвен за нашиот следен натпревар“, изјави Роберт Левандовски за шпанскиот весник „Мундо Депортиво“.
Полјакот изјави и дека треба да ги подобри своите перформанси бидејќи доби многу критики по ремито без голови на Барселона против Џирона.