48-годишниот американски фудбалски тренер Џеси Марш, познат по својата работа како предводник на германскиот РБ Лајпциг, стана главен тренер на англискиот Лидс Јунајтед. Ова го објави прес-службата на клубот од Лидс на официјалната веб-страница.
„Среќни сме што му посакавме добредојде на Џеси во клубот и среќни сме што тој ќе отвори ново поглавје за нас. Џеси е некој што го идентификувавме пред неколку години за време на неговиот престој во РБ Салцбург и веруваме дека неговата филозофија и стил на фудбал се во согласност со филозофијата на клубот и многу добро ќе им одговараат на играчите“ се вели во информацијата објавена од клубот.
Потврдено е дека Џеси Марш потпишал договор со Лидс до јуни 2025 година. Претходно, тој работеше за клубови како Монтреал Импакт, Њујорк Ред Булс, РБ Салцбург и РБ Лајпциг. Меѓу неговите достигнувања се: Освојување на регуларниот дел од сезоната на МЛС (2015), шампион на Австрија (сезона 2019/2020 и 2020/2021), како и освојување на Купот на Австрија (сезона 2019/2020 и 2020/2021).