Швајцарскиот дефанзивецот Стефан Лихтштајнер го објави крајот на својата фудбалска кариера на 36 години, откако ја отфрли понудата за останување до Европското првенство следната година.
36-годишниот десен бек ја објави својата одлука во изјава преку Швајцарската фудбалска федерација. Неговата првична одлука беше да игра на ЕУРО 2020 и потоа да заврши, но поради пандемијата на коронавирус првенството беше презакажано за следната година. Откако беше замолен од федерацијата да ја преиспита својата позиција и да ја заврши кариерата следната година, тој одговори дека сега е добро време да се збогува со фудбалскиот терен како играч.
Лихтштајнер е еден од најредовните играчи во Швајцарија и постојан стартер во националниот тим. Севкупно, ја заврши кариерата со 108 натпревари за Швајцарија, носејќи го дресот на последните три Светски првенства и на два Европски шампионати во 2008 и во 2016 година. На последниот Мундијал во 2018 година во Русија, Швајцарија стигна до 16-то коло.
За време на неговите седум години во Јувентус, тој му помогна на тимот да дојде до титулите секоја година, а двапати стигна до финалето во Лигата на шампионите. Покрај Јувентус, ветеранот ги бранел боите на Лацио, Лил, Арсенал и неговиот матичен клуб Грасхоперс, како и Аугсбург во Германија.