Првиот напаѓач на фудбалскиот состав Селтик, Муса Дембеле, има реална шанса да ја продолжи кариерата во редовите на францускиот прволигаш Лион.
Според најавите, тој ќе треба да го пополни местото на Маријано Дијаз кој од вчера за 30 милиони евра го облече дресот на Реал Мадрид. Медиумите во Франција тврдат дека „лавовите“ ќе платат за услугите на Дембеле околу 25 милиони евра. Тие се надеваат дека работата ќе биде завршена до крајот на преодниот рок. Дека во пишувањата има вистина, потврди и тренерот на шкотскиот тим Брендон Роџерс..
„Има понуда за Муса Дембеле. Во европскиот фудбал едноставно морате да бидете подготвен. Ќе видиме што ќе се случува во наредните денови бидејќи и Селтик е активен на пазарот“ – изјави првиот тренер на клупата на Селтик.