Ливерпул е блиску до привлекување на крилниот напаѓач на Порто Луис Дијаз. Колумбискиот репрезентативец моментално се наоѓа во Аргентина, каде што е следниот натпревар на Колумбија во квалификациите за Светското првенство.
Поради оваа причина од Ливерпул испратиле делегација да ги изврши неговите лекарски прегледи таму. Фактот дека Дијаз е во Јужна Америка му создава логистички проблеми на Ливерпул, кој треба да се справи со нив до затворање на преодниот рок во понеделник.
„Црвените“ планираа да го привлечат 25-годишниот фудбалер во текот на летото, но сфатија дека доколку не реагираат сега, на крајот од сезоната тој ќе замине во друг клуб. Тотенхем во последните денови преговараше за Дијаз и беше подготвен да ја плати трансферната сума што ја бараше Порто, но последната интервенција на Ливерпул целосно ја промени ситуацијата, бидејќи играчот изјави дека преферира трансфер на „Енфилд“.
Доколку дојде до трансфер, од Ливерпул ќе платат фиксна сума од 45 милиони евра плус 15 милиони лесно достапни бонуси. Тие испратија официјална понуда во Португалија, но раководството на Порто се уште не ја прифатило и во оваа фаза нема договор меѓу двата клуба.