25-годишниот француски напаѓач Килијан Мбапе би можел да го напушти Реал Мадрид.
Според „Дефенсацентрал“, Мбапе не се чувствува среќен во клубот откако се пресели од ПСЖ и јасно му е дека сè уште не ги оправдува очекувањата што му се поставени. Англискиот гигант Ливерпул е подготвен да го искористи ова. „Црвените“ подготвуваат трансфер бомба и можат да му понудат на Реал Мадрид 150 милиони евра за звездата од Франција.
Изворот исто така појаснува дека и покрај се, размислувањата на Французинот засега остануваат само на мадридскиот клуб.
Оваа сезона во Ла Лига, Мбапе одигра десет натпревари за Реал Мадрид и постигна шест гола.
Да потсетиме, според пишувањата на водечките медиуми, предводникот и главна ѕвезда на клубот во последните години, Мохамед Салах, на лето би требало да го напушти Ливерпул.
Мбапе се приклучи на тимот на Реал Мадрид ова лето, потпишувајќи договор како слободен играч.

