Со синоќешната победа со 3:2 над ПСЖ во Лигата на шампионите Ливерпул ја забележа својата шеста последователна победа од почетокот на сезоната, со што го израмни достигнување од пред 57 години.
Како што е познато, Ливерпул ја започна сезоната во Премиер лигата со пет последователни победи и му го отстапуваат лидерското место во англиското првенство на Челзи само поради гол разлика.
Синоќа тимот ја продолжи победничката серија во сите натпреварувања со триумф над францускиот шампион. Последен пат Ливерпул ја започнал својата сезона слично во далечната 1961 година. Тогаш тимот играше во втората англиска дивизија, а на крајот на сезоната стана шампион и се пласираше во елитата, каде останува до денес.
За тимот, тешките натпревари доаѓаат во наредните недели. Во сабота „црвените” ќе се соочат против Саутемптон на „Енфилд”, а потоа доаѓаат двата натпревари со Челзи од Премиер лигата и Лига Купот, Гостување против Наполи во ЛШ и домашен натпревар против англискиот шампион Манчестер Сити.