Ливерпул размислува за понуда за играчот од средниот ред на Милан, Исмаел Бенасер. Екипата од „Енфилд“ има сериозни проблеми во средниот ред од почетокот на сезоната, а Јирген Клоп планира итно да го засили средниот ред со нов играч, откако се насочи кон 24-годишниот Алжирец, пренесува „Газета дело спорт“.
Бенасер е важен играч за тренерот Стефано Пиоли. Тој во моментов е во преговори за обновување на договорот кој му истекува летото 2024 година. Во оваа фаза, сепак, преговорите се тешки, бидејќи фудбалерот инсистира на сериозно зголемување на платата, што газдите на „росонерите“ не можат да му го обезбедат. Ливерпул будно ја следи ситуацијата и е подготвен уште повеќе да искомплицира работите со преговорите со добра понуда за играчот од средниот ред.
Доколку преговорите за продолжување на договорот на играчот не одат во позитивна насока, нема да биде чудо Милан сериозно да размислува за негова продажба, особено ако понудата од Ливерпул е доволно атрактивна на финансиски план. Милан го привлече во своите редови во 2019 година, а Алжирецот има 107 натпревари, 4 гола и 7 асистенции за Милан.