Ливерпул го освои четвртиот европски Супер куп во историјата, откако победи со 5:4 (1:1 во регуларно време и 2:2 по продолжение), по изведување на пенали на „Водафон арената“ во Истанбул.
Европскиот шампион и освојувач на Лига Европа одигра спектакуларен дуел со периоди на доминација на двете екипи и 4 постигнати гола. Лондонските сини беа подобри во првото полувреме и го дојдоа до водство со голот на оливие Жиру во 36.минута. Ливерпул ја презеде иницијативата во вториот дел и израмни во 48.минута преку Садио Мане. Ливерпул направи пресврт во петтата минута од првото продолжение со новиот гол на Сенегалецот, но Жоржињо од пенал во 101.минута израмни на 2:2. Сите изведувачи на пеналите за Ливерпул беа прецизни, додека младиот Абрахам не го реализираше последниот пена за Челзи бидејќи Адријан одбрани. Така, Ливерпул го освои својот 13-ти европски трофеј. Од нив повеќе имаат освоено Реал Мадрид, Барселона и Милан.
Истанбул е посебен град во историјата на Ливерпул поради чудото во финалето на Лигата на шампионите во 2005 година, кога Ливерпул стигна до трофејот откако анулираше 0:3 на полувремето против Милан. Во истата 2005 година, Ливерпул го освои Европскиот Супер куп против ЦСКА Москва. Сега ливерпул триумфираше на исто место на драматичен начин и по изведување на пенали.
Овој натпревар влегува во историта и порадои тоа што беше суден од првата жена судија која доби шанса на така важен натпревар.мечот и беше доверен на Французинката Стефани Фрапар, а и помагаа Мануел Николози и Мишел О’Нил, а четврти судија беше популарниот турски судија Џунејт Чакир.