Вечерва се игра реваншот од 1/8 финалето во Лигата на шампионите помеѓу Ливерпул и РБ Лајцпиг. Двете екипи уште еднаш ќе се соочат на „Пушкаш Арената“ во Будимпешта, каде се одигра првиот натпревар поради мерките против КОВИД-19. Овој пат, сепак, Ливерпул ќе биде симболично домаќин.
Тие постигнаа одличен резултат, победувајќи на првиот натпревар со 2:0, но сè уште не ја завршија својата работа и мора да се концентрираат што е можно повеќе на натпреварот кој вечерва го играат за да избегнат непријатно изненадување.
Ливерпул е во огромна криза во последно време. Тимот забележа порази во Премиер лигата и го расипа пласманот. Затоа, Лигата на шампионите е одлична можност за рестартирање на сезоната и враќање на изгубената самодоверба.
Сепак, РБ Лајпциг е многу незгоден противник. Иако го загубија првиот натпревар, Германците беа добри на таа средба и сигурно нема да се предадат пред реваншот кој го играат вечерва. Нивната задача не е лесна, бидејќи мораат да бараат победа со најмалку два гола, но во фудбалот видовме некои поголеми пресврти.
Ливерпул останува фаворит за пласман понатаму. Екипата не загубила од Германски тим 11 последователни натпревари во Европа. Нивниот последен пораз беше пред 19 години од Баер (Леверкузен). На неутрален терен, индикаторите се во прилог и на Ливерпул, кој има 3 победи, 1 нерешено и 1 пораз од германските ривали. Последно, но не и најмалку важно, Ливерпул никогаш не е елиминиран во Европа откако го добил првиот натпревар на гости, а тоа се случило 33 пати досега.
РБ Лајпциг нема толку богато искуство во Европа. Иако минатата сезона тимот стигна до полуфиналето во ова натпреварување. Сепак, Германците можат да се пофалат со 3 победи и 2 порази против англиските ривали. За прв пат тимот е во ситуација да го загуби првиот натпревар на домашен терен и да мора да бара пресврт. Значи, тешко е да се предвиди што ќе може да направат на оваа средба.
Ливерпул и понатаму има сериозни проблеми со повредени играчи. Вирџил ван Дајк, Џордан Хендерсон, Џо Гомез и Жоел Матип остануваат надвор од комбинација. Роберто Фирмињо и Јозан Кабак исто така се неизвесни поради полесни повреди.
РБ Лајпциг исто така има свои проблеми со екипирањето. Марсел Халстенберг, Конрад Лајмер и Доминик Собослај испаднаа од групата. Учеството на Анхелињо е исто така под сериозно прашање, а Марсел Забитцер и Вили Орбан исто така имаат мали повреди.
Веројатни состави:
Ливерпул: Алисон, Арнолд, Филипс, Робертсон, Тиаго, Вајналдум, Џонс, Жота, Салах и Мане.
РБ Лајпциг: Гулаши, Мукиеле, Упамекано, Клостерман, Адамс, Забитцер, Кампел, Хајдара, Олмо, Сорлот, Нкунку
Стадион: „Арената Пушкаш“ – Будимпешта
Судија: Климан Турпен (Франција)

