Македонскиот одбојкарски репрезентативец Александар Љафтов ќе биде една од важните алки во играта на нашата репрезентација на Европското првенство кое денеска почнува во Скопје. Моќниот смечер во пресрет на дуелот со Данска вечерва, вели дека се е подредено на битка за првата победа.
„Има мала возбуда пред првиот меч пред наша публика. Данска е стар противник, добро го анализиравме, имаме добра подготовка, и навистина сметам дека сме одлично подготвени да излеземе на терен и да ја покажеме нашата игра. Мора да бидеме мудри, не смееме да изгориме уште на стартот. Зрели сме за победа“, потенцира Љафтов.
Македонија вечерва од 20 часот во СЦ „Борис Трајковски“ го отвора Европското првенство со првиот меч од групата „Ц“.