Денес УЕФА ја одржа ждрепката за новотот издание на Лигата на нациите кое започнува во септември оваа година.
Репрезентацијата на Македонија своите ривали во Лига Ц ги очекуваше од третиот шешир. Среќата посака избраниците на Благоја Милевски да бидат во група со селекциите на Ерменија, Летонија и Фарски Острови.
Групи во Лигата на нации – Лига Ц:
Група 1: Шведска, Азербејџан, Словачка, Естонија
Група 2: Романија, Косово, Кипар, Литванија/Гибралтар
Група 3: Луксембург, Бугарија, Северна Ирска, Белорусија
Група 4: Ерменија, Фарски Острови, Македонија, Летонија
Со сите репрезентации Македонија има позитивен биланс, а во последните години често игравме со двете поранешни советски селекции во групата. Со репрезентацијата на Фарски Острови немаме меѓусебни пресметки во најсилна конкуренција.
Лигата на нациите стартува со натпреварите во септември, на петти и осми, а продолжуваат со натпревари во октомври и ноември. Од ова издание од секоја група по две селекции се пласираат во четвртфинале со ривали од својата конкуренција.

