Светската фудбалска федерација денеска ја објави најновата листа на која Македонија се наоѓа на 70-та позиција или една погоре во однос на претходното рангирање.
Што се однесува до нашите противници во нофоромираното натпреварување, Лигата на нации, Ерменија го има 100-то место, Лихтенштајн е 180-ти а Гибралтар се наоѓа на 195-та позиција. На врвот на ФИФАочекувано имаше промени. Нов лидер е светскиот шампион Франција. „Триколорите“ по освојувањето на Мундијалот во Русија скокнаа дури шест позиции и го запоседнаа врвот. На второто место е Белгија која освои бронза на СП додека Бразил падна на третото.
Хрватска која играше во финалето на годинешниов Мундијал, прогресираше дури 16 места и сега ја има четвртата позиција. Во ТОП 10 влегуваат и: Уругвај, Англија, Португалија, Швајцарија, Шпанија и Данска.