Вечерва (20.45 часот) Македонија ја пречекува Германија на Националната арена „Тодор Проески“ во Скопје во меч од 8. квалификациско коло за пласман на СП 2022. Ова е втор меч на овие две селекции во групата, откако на 31 март во Дуизбург успеавме да ги изненадиме и победиме со 2:1.
Оттогаш многу нешта се променија. И Македонија и Германија имаат нови селектори, а Германците нанижаа 4 победи во серија. Една од ѕвездите во редовите на германската селекција, Серж Гнабри е најдобар стрелец во квалификациите кај „панцирите“ и најавува дека дојдени се во Скопје со една цел, победа.
Македонија ќе се обиде да ја искористи својата шанса. Со поддршка од трибините, Милевски се најдева дека ќе ја продолжи добрата низа без пораз на селекторското место.

