Младата фудбалска репрезентација на Македонија до 21 година денес го игра последниот натпревар од квалификациите за Европското првенство (ЕП) кое во 2019 година ќе се игра во Италија и Сан Марино.
Последен противник на нашите млади играчи во овој циклус ќе биде Гибралтар, селекција која важеше за аутсајдерот во нашата група сепак е селекција која не победи во првиот натпревар со 1:0. На таа средба Макеоднија имаше многу шанси кои не ги искористи, а домашниот тим испеа да постигне гол и со тоа да ни нанесе тежок пораз со кој буквално не откажа од високите амбиции на стартот од квалификациите.
Тогаш репрезентацијата на Македонија беше предводена од Благоја Милевски кој сега веќе не е на чело на оваа селекција. Сега на потег се фудбалерите предводени од Добринко Илиевски, кои се подготвувата за наредниот циклус квалификации. Гибралтар мора да се победи, со тоа да им се реваншираат за срамниот пораз, но исто така и да се прекине серита од 8 средби без победа на оваа селекција.
Натпреварот меѓу двете селекции се игра од 14:30 часот, на тренинг-центарот „Петар Милошевски“ кај ФФМ.