Фудбалската репрезентација на Македонија по одличната игра и големата победа во Ереван денес ја очекува последниот меч во овој квалификациски циклус за Светското првенство (СП), а противник ќе биде селекцијата на Исланд (18:00 часот).
Исланд успеа да извлече бод на гостувањето кај Романија и со тоа ја врати Македонија во шанса за бараж и сама да одлучува за својата судбина. Да се потсетиме дека Македонија во Рејкјавик водеше со 2:0, но ја прокоцка таа предност и натпреварот заврши нерешено 2:2. Сепак Сепак сега работите се такви како што се и на нашата репрезентација и е потребна било каква победа за да биде втора во групата и да игра бараж за СП. Селекторот Благоја Милевски и неговите избраници сега ја имаат работата во свои раце и доколку ја повторат играта од првиот меч против Исланд без да прават индивидуални грешки како на тој натпревар , тогаш можеме да бидеме сигурни во добар резултат на вечерашниот натпревар.
Традицијата вели дека Македонија е поблизу до победа, затоа што Исланд во два меча не победил во Скопје и не постигнал гол. Дуелите во 1997 и 2009 година завршија со триумф на Македонија со (2:0 и 1:0), посакуваме традицијата да продолжи.

