Фудбалската репрезентација на Македонија вечерва го пречекува Велс во рамките на втората рунда од квалификациите за Мундијалот 2026. Нашиот селектор, Благоја Милевски, вели дека сме подготвени да дојдеме и до втора победа во обој квалификациски циклус.
„Треба да бидеме совршени на тактички план и во тркачкиот дел и секако мора да бидеме максимално фокусирани ако сакаме да се надеваме на позитивен резултат. Пред мечот со Лихтенштај и сега, емоциите се тука, мислам дека самата подготовка за овие натпревари е посебна тешка за мене и фудбалерите“ – рече Милевски. „Околностите за жал се тие, се надевам дека никогаш повторно нема да се соочиме со такво нешто. Сакаме на еден начин да се оддолжиме за жртвите и да го израдуваме овој народ со победа“, потенцираше Милевски.
Велс по вторпат доаѓа во Скопје, откако во 2013 година ги победивме со 2:1 во квалификациите за СП 2014 година. На тој меч Тричковски и Александар Трајковски погодија за Македонија. Сегашниот селектор на Велс, Крег Белами, тогаш беше првотимец во составот на островјаните.
Мечот вечерва започнува од 20.45 часот, а ќе го следите во живо и на Спортското радио 90.3 фм.

