Македонската фудбалска репрезентација е во Малта каде се подготвува за утрешниот натпревар од квалификациите за ЕП против домашната селекција на Малта.
Според предвидениот план македонската фудбалска репрезентација попладнево од 18.30 часот ќе го одработи официјалниот тренинг на стадионот во Ла Валета, а половина час предходно ќе ја одржи и прес-конференцијата. Сите фудбалери кои беа на списокот за мечот со Италија отпатуваа за Малта, а кој ќе добие шанса за настап на оваа средба ќе биде одлука на селекторот Милевски. Може да очекуваме оние поискусните кои седеа на клупата за дуелот со Италија (Адеми, Несторовски, Трајковски) да добијат шанса од првата минута на оваа среба, но се ќе зависи и од состојбата на нашите репрезентативци кои беа дел од дуелот со Италија во Скопје.
По последниот тренинг кој е вечерва, селекторот Милевски ќе има појасна слика за составот со кој ќе се спротивстави на Малта.