Македонската фудбалска репрезентација не успеа да победи и во третиот натпревар од овој квалификациски прозорец во месец цептември.
Вечерва во Скопје во дуелот со Романија повторно доминираа со својата игра и создадоа неколку шанси , но не успеаа да го направат она најважното во фудбалот – да се постигне гол.
Македонија и во првото и во второто полувреме имаше повеќе посед на топката, направи неколку шанси , но немаше завршница на истите и голманот на Романија не беше совладан. Во првиот дел по една грешка на нашата одбрана, Романија имаше одлична шанса, но Димитриевски успеа да го одбрани тој удар.
Во вториот дел Макеоднија најубавата шанса ја имаше преку Елмас кој упати идар, а еден противнички играч го смени правецот на топката, а голманот Нита со крајни напори со нога не дозволи Македонија да дојде до предност.
До крајот на натпреварот нашите репрезентативци не успеаа да направат шанса за да дојдат до предност и победа на оваа средба. Македонија во три натпревари овој септември покажа добра игра, но успеа да освои само три бода кои ја оддалечуваат од битаката за втората позиција на табелата.
Во Октомври најнапред не очекува гостување кај Лихтенштајн, па домашен меч со Германија и завршуваме со гостување кај Ерменија.