Македонската футсал репрезентација вечерва го игра решавачкиот натпревар за пласман на првата позиција на претквалификацискиот турнир за СП кој се игра во Скопје.
По првите две кола Македонија и Албанија се селекциите кои остварија по две победи и на вечерашниот меч ќе одлучат која селекција каде ќе игра во главните квалификации. Македонија има мала предност и е поблиску до првото место поради повеќе постигнати голови, односно гол разлика +9, додека Албанија има +7, па на некој начин на нашите репрезентативци им одговара и нерешене резултат за да бидат први.
Но во футсало е многу тешко да се игра на таков резултат, па нашите играчи не смеат д аризикувата и мора да одат на победа и на тој начин да собираат бодови за подобар рејтинг и секако во случајов да се пласирата во главната фаза од квалификациите и да играат во групата во Украина со домашната сепекција, Словенија и второпласиран тим од претквалификациите.
Натпреварот Македонија – Албанија се игра денес со почеток од 20 часот во малата сала на СЦ „Јане Сандански“, а претходно од 17.30 часот ќе играат Грција и Сан Марино, селекции кои доживеаа два порази во првите два натпревари.