Македонските репрезентативци Еди Шерифовски (категорија до 81 килограм) и Андреј Чакаровски (90 кг) ќе настапат на Европското првенство кое од денес, 29 април до 1 мај ќе се оддржи во Софија, Бугарија.
Нашите натпреварувачи своите први настапи ќе ги имаат утре и во недела, Еди Шерифовски во првото коло во категоријата до 81 кг. ќе се натпреварува со Михаил Латисев од Молдавија и тоа утре додека Андреј Чакаровски во недела до 90 кг ќе се натпреварува во првото коло против Јохан Ленц од Германија. Македонската делегација во Софија ќе ја предводат претседателот на Џудо Федерацијата на Македонија, Владимир Трпаноски и селекторот Горан Мицкоски.
Покрај настапот на двајцата џудисти, престојот на првенството ќе биде искористен и за работен состанок помеѓу претседстелот на ЏФМ, Владимир Трпаноски и на претседстелот на Европската Џудо Унија Отто Кнеитингер. На работниот состанок кој е по покана на претседстелот на Европската Џудо Унија Отто Кнеитингер ќе се дискутира за стратешкото планирање за развој на џудото во Македонија како и организација на некој од следните големи европски натпревари во Македонија.